香港人點生活

Written by on September 26, 2011 in 宏觀世界 with 0 Comments

有一個人
搵5-6千蚊一個月
出去租間最平的舊樓都要4-5千蚊一個月
然而包租婆自己供都係二千零蚊一個月
想同佢投訴
佢話呢區間間都係收緊呢個價錢架喎
邊個叫你無錢俾首期呀?有錢就買左佢唔好租oY
一份人工大半就咁俾包租婆賺左
點生活??

呢個人識左個女朋友
小倆口一齊返工
加埋有二萬零蚊一個月
決定同番屋企人住慳d錢
每人俾四千蚊屋企人做家用
淨番萬二
當儲到一萬蚊一個月
一年儲到十二萬
五年先儲夠60萬可以夠俾首期買層四百零呎的舊樓
點生活?

小倆口決定結婚
每個月儲緊一萬
頭五年用左黎儲錢俾首期
儲多兩年應該都夠裝修
再儲多三年先夠36萬用黎結婚擺酒
擺完d三姑六婆仲要話你o係新光酒樓擺酒咁cheap
單單打打你地一世
點生活?

小倆口唔想捱成十年先結到婚
決定偷偷地註冊左先
搵銀行按上按買左層樓
仍然要俾十份一樓價做首期
而層樓的十份一係窗台。
650呎單位實用面積係500呎
當中100呎係走廊
廚房只係放到一個煮食爐同洗衣機
個雪柜要放出廳
個廁所要企上個塔度先閂到門
呢層咁o既樓每個月要供$8000
加埋$8000俾左屋企
淨番四千零
個老婆話:「我慳d駛, 呢幾年唔買衫, 唔去旅行, 我地少d出去食飯, 總捱得
到o既」
點知買樓果時唔記得計埋管埋費
sorry呀我地公司公價每呎係兩蚊管理費
四千零咁又冇左千五
仲係用黎養門口果個日日對你黑口黑面成日偷懶訓覺o既看更
同埋管理處果位從來乜都幫唔到你日日返工打牙較o既小姐
計埋水電冷氣費
點生活?

小兩口捱下捱下終於捱左十年
呢十年計埋淨係加左十零%人工
小倆口已經好滿意
如果加得太多佢地反而驚公司會搵佢地開刀請過dfresh grad黎做
二按果筆已經還晒
每個月總算可以多番三四千蚊用d
呢個時候,個老婆發覺自己大左肚
但層樓仲有15年要供
份工又唔知幾時會冇左
如果生左個仔
點生活?

又過左五年,小倆口變成老倆口,差唔多四十歲了
個仔先三歲大
出街有時會俾人問「你個孫呀?好趣緻喎!」
呢個時候,佢地搵緊唔夠三萬蚊
但一年就要交成二萬幾蚊稅
佢地發現每年有十份一人工係用黎救濟d新移民
同埋養d綜緩阿伯返大陸叫雞包二奶
同個仔去報小學
隔離左右個個都係操不純正廣東話但能操流利廣東粗口的新移民師奶
睇住佢地d細路o係地下度玩吐痰了鼻屎碌地沙
呢個時候,小倆口開始唔想個仔入一間咁o既學校,同d咁o既細路做同學
雖然自己一路交緊稅去維持九年免費教育
但佢地都放棄左呢個公民權利
於是決定報間私校
每個月又唔見左幾千蚊
點生活?

又過左十年,老兩口五十歲,層樓終於供完了,二人升左做middle managers
計埋有五萬蚊一個月
一年交八萬蚊稅。
間屋裝修過一次。
每個月都要整下d水喉窗台滲水咁
養左隻狗。
買左架車。
過去廿年,
去過八次旅行,
當中六次係返大陸。
而家佢地個仔十三歲
倆口子開始安排送個仔出國讀書
計計下
每個月食宿連學費就冇左萬五蚊
但為左佢的將來無計,
唔係個仔第日大左
點生活?

五年後,倆口子五十五歲,
依然搵五萬蚊一個月,無俾人開刀減薪算係好好。
佢地個仔18歲,
報到一間不太差又不太好的大學,
每個月住宿駛費連學費無左二萬幾。
個老婆晚晚要捱住個仔,成日喊,無心情同老公做愛。
每個月二千蚊長途電話費
當中3/4,係個仔用黎打電話俾佢香港d女朋友。
老婆要求每年聖誕去美國探個仔一次
個仔每年暑假返黎一次
機票連外地駛費每年無左五萬蚊
你仲要發覺你個仔dmileage多過你
次次返香港都upgrade上business
你倆老就捱15個鐘economy class去探佢。
呢個時候,老倆口本應仲有十年就退休
倆口子發覺除左強積金之外佢地無任何儲蓄
銀行長期保持30000左右結餘 – - – 係僅僅夠佢地一個月生活的開支
而且佢地公司業務就麻麻
一個唔小心隨時連份工都無埋
點生活?

又過左十年,老倆口退休了
佢地個仔剛剛master畢業
返左黎香港搵工
倆口子大喜。
今日個仔同d中三畢業中五畢業中七畢業本科畢業的
一齊見緊份5-6千蚊的工
見工果時仲要俾人潤一句
你咁好學歷,我地呢份工驚屈質左你喎
個仔越見越驚
開始後悔出國讀書
同後悔無工作經驗
結果呢份工請左個中三畢業o既。
呢份工,係叫做management trainee.
連工都搵唔到,
點生活?

兩星期後,老倆口開始考慮要唔要做番野
呢個時候個仔收到電話叫佢開工
原來之前果份工個個都唔做,
中三果個有六年工作經驗,搵到第份萬二蚊的工
中五果個有四年工作經驗,搵到第份一萬蚊的工
中七果個有兩年工作經驗,搵到第份八千蚊的工
本科畢業果個返左去讀master
結果呢個外國返黎的碩士生就做左一份5-6千蚊的工
點生活?

最後
請回到本文頭一行~

原文出處

Tags: ,

About the Author

About the Author:

網名:Enterpr1se,人稱「企企」
自幼喜歡 StarTrek 星空奇遇記所以用片集內的星艦 -- 企業號 來做網名

一個不太獨嘅毒男,喜歡新事物,愛攝影、玩Gadget
一個專業的聆聽者,成為朋友訴苦嘅對象(笑)

聯絡電郵:[email protected]

.

Subscribe

If you enjoyed this article, subscribe now to receive more just like it.

Subscribe via RSS FeedConnect on InstagramConnect on PinterestConnect on Google PlusConnect on FlickrConnect on LinkedInConnect on YouTube
Top