今日成日係屋企都無出到街
係屋企幫手同 Crystal 寫左篇評論
同埋同 Rebecca 傾左好耐下

今日同佢傾左好多野呀
唉,俾佢彈我對感情唔夠決斷呢,比較拖拉
不過話時話,我以前真係成日諗感情一定要決斷,唔可以拖拉,因為有時有 d 野,拖拉只會令問題越來越嚴重。
不過當我自己真係面對一段感情既時候,我發覺自己真係無左以前果種理性,可能真係講就易,做就難喇。所以我真係好服 Crystal 家,可以話斷就斷,連態度等所有野,係幾日內完全改變哂,令我真係 feel 到佢真心真意地唔鐘意我,所以,真係要學下佢呢種話斷就斷既精神。
其實,我真係幾失敗下,以為對 gf 好好,大家互相欣賞同埋尊重,就可以為持一段感情,不過事實唔係咁。有時人係幾自私下既,自己覺得對對方好好,就會希望對方對返自己好啲,唔好好似咩都唔得咩都唔應承咁,亦都希望對方俾返少少尊重自己,不過,諗深一層,其實如果發生 d 咁既情況就雙方既關係已經發生左問題。

其實睇到 Rebecca 點對 Eric,真係好羨慕家。
成日Keep 住做咩都首先顧左 Eric 既感受,Eric 話佢咩都會聽 (相反佢唔鐘意 Eric 做既野,Eric 都唔會做),可以為 Eric 犧牲付出好多野,真係 Eric 開心,佢就會開心。我真係完完全全 feel 到佢有幾愛 Eric 呢。
其實我都好想有個咁既女朋友家,不過最衰喇,我自己把口又唔好 (P.S. 唔識 Eric 既人,我係度形容下佢喇,佢唔算話靚仔,不過都 ok 喇,幾聰明下,把口好叻,好識串人,同時亦都幾惡下,俾人撞親下就會Bear 住人地,有時又會成日想同人打交咁。不過佢好識好識 tump 女仔,對女仔野蠻行為既 EQ 亦都好高下,所以林得 Rebecca tup tup 掂)
有時真係覺得,我呢個雙魚座好唔掂呢,把口唔掂根本就好難叫一個女仔好鐘意我。我好記得我去威爾斯睇皮膚科,我果下塊面有唔少暗瘡下,果醫生同我講,追女仔係靠把口既,唔係靠個樣既,唔駛擔心,我唔知好嬲定好笑。
得個心真心對人好,其實有時會覺得係幾傻下,就算好努力做好多野,都唔夠其他人簡單幾句 tump 女仔既說話來得有效。唉,不過我就只係得 d 咁既野,如果都無埋唔知點算 (笑)。不過希望第時,真係有個欣賞我,唔嚴我樣衰,唔介意我唔識 tump 佢既女仔出現喇。

好羨慕 Eric 有個咁好既女朋友呀………………………………………………..

Previous article人生總有起有跌
Next article蒼涼

網名:Enterpr1se,人稱「企企」
自幼喜歡 StarTrek 星空奇遇記所以用片集內的星艦 -- 企業號 來做網名。

年輕時曾擔任《電腦時代》助理編輯,主力評測各種產品,和撰寫技術文章。
出過數本書仔,聽聞賣得不錯;現在轉戰博客,繼續有果句講果句。
喜歡新事物,愛攝影、玩Gadget,夢想能每年去一次旅行。

聯絡電郵:[email protected]