今日落左去旺角做尖呀
做完尖之後,Thomas 打電話搵我,問我得唔得閒砌電腦,因為佢堂阿哥要砌
不過我約左 Crystal 7:00 鐘,而佢打俾我果下已經 5:00 喇
得返個幾鐘頭,一定唔夠時間砌,所以問佢聽日得唔得,佢話得………….咁無咩所謂喇,聽日砌喇
睇睇個鐘 5:xx ,又唔想係旺角慢慢行……所以返左CityU,因為 Rebecca 今日全日係屋企……….佢想我陪佢傾下喎…………咁樣我就返去 CityU,remote 屋企部整腦同佢傾下喇,咪話我唔夠朋友喇,hee hee,睇下我幾為得你…….
之後又落返落去旺角……..因為約左 Crystal 係旺角等………之後同佢去左綠寶石餐廳食野
依家睇返佢既潔 pig………..真係覺得好搞笑下…………..果度唔知點解有 d 蚊係度飛下飛下…………佢又好怕果啲蚊飛落啲食物度……..所以搵張紙巾蓋住啲菜度………(不過話時話,上次我去食都無咁多蚊,今次去食見到兩三隻左右喇)
之後佢食菜………..見到有菜蟲………….又係度 V 嘩鬼叫…………ha ha ha
之後同佢去左新世紀練 Oral (原本想係綠寶石練既)………..不過練得兩題果度就關羅…….之後送佢返屋企後我都返屋企

Previous article貓貓&棋棋
Next article砌機

網名:Enterpr1se,人稱「企企」
自幼喜歡 StarTrek 星空奇遇記所以用片集內的星艦 — 企業號 來做網名。

年輕時曾擔任《電腦時代》助理編輯,主力評測各種產品,和撰寫技術文章。
出過數本書仔,聽聞賣得不錯;現在轉戰博客,繼續有果句講果句。
喜歡新事物,愛攝影、玩Gadget,夢想能每年去一次旅行。

聯絡電郵:[email protected]