半年時間

今日屋企無人呀………………正 ^.^
阿媽同細佬係下午就出左街羅……….呵呵
九成九我細佬就係陪 gf 喇……….唔知點解我阿媽話佢同佢 gf……….好似家姐同細佬咁喎，ha ha

我大約成七點鐘先出街呀
落左旺角……因為想買本漫畫同埋買 hand-free，漫畫係旺角買可以平 $3 家，不過呢期都係尾2果期羅，跟住就會完………..
原來想話係先達買 hand-free 既
不過唔知點解旺角搵唔到，最後去到深水先有……….

之後就約左 Thomas 係銅鑼灣等……去左世貿打左 $12 機……同人對打高達，好快輸哂 >.<
之後落左去時代既老麥食野…………..係果度因為羅野….所以羅左個 hand-free 出黎………之後竟然唔見左………….$98 呀，嗚…………..
最後去左灣仔既酒吧……………之後大約 12:00 返屋企

其實今日 Thomas 搵我係因為佢唔開心呀
佢失戀呀……..不過佢好似話仲好鐘意個女仔……..但分手果下 Thomas 做咗啲過份既野令到個女仔心淡同心死…..
依家佢想救…….但睇黎都幾難救得返喇………女仔心淡左，係一種好絕情既人黎家
咁我只係可以勸下 Thomas 睇開啲，同埋學下我羅
不斷為對方付出……..對方一定會好冷淡回應……..最後自己會心死
我就用左 4 個月時間不斷為對方付出時間、心機、金錢等等………黎令到自己心淡(差唔多喇)
希望 Thomas 唔駛好似我咁用咁耐喇 (不過睇落都幾難喇，不過佢應該要好似容祖兒_心淡 咁樣，限自己半年時間令自己心淡，春天分手秋天會習慣)