尋晚好夜訓呀
因為 DAOC 好難得好多人……搞到成 5:00 先訓………….>.<
不過今日又要一早起身喎…………….
約左 Thomas 今日 12:00 係彩虹地鐵站等
咁我原本打算 10:00 就起身家喇,不過最後都要成 10:45 分先起到身,不過 11:15分就已經去到火車站,20分鐘後就已經去到彩虹站,比我想像中快好多呀。
由於我去到果個仲有時間食早餐,所以就去左附近果個街食既熟食檔……不過好似比較貴呀,連凍飲要成 $20,我平時食開只係 $18 only。不過算喇……..
之後返去彩虹站地鐵恆生,見到 Thomas 已經係度喇…..仲有佢班 fd 係度….
大約 12:15 左右就出發喇

去到科大,搵左一大輪,上上落落後先至搵到果個間 cosplay room,都已經有唔少人係度……..
其實我去到只係負責影下相咁………無咩特別….果度靚女亦唔多,hee hee hee
影左差唔多 200 張呀,不過點都唔夠其他好 Pro 既攝影師,影左成千張…….勁
果度 d 相機…個個都好 Pro 呀,長短炮一應俱全….不過我估會好重呀……服左佢地喇,hee hee
不過係果度都有另一個人同我一樣用 C-2100UZ,hee hee,好難得見到呢部機呀
影到 6:xx 左右就完喇,之後就搭 91M 去到鑽石山,係果度既肯德基食埋野……..之後成班打機…..我打左 $7 左右喇,最好我走先……
咁係我等車果下,見到阿邦,好難得呀……..佢送完佢女朋友返屋企後搭車返屋企,所以撞見到…..
返到屋企之後仲要等埋 Thomas 返屋企,send 埋相俾佢我先有機會休息…………..

不過今日真係真係鈎起左我好多回憶……..
兩年前既夏天,我第一次見 Crystal 就係響彩虹地鐵站……..一齊搭車去科大行…….
今日,我亦都去返同一個地方,睇返同一個風景,不過係側邊既人就唔同左………….

1
2
Previous articleBBQ @ 屯門
Next article交收

網名:Enterpr1se,人稱「企企」
自幼喜歡 StarTrek 星空奇遇記所以用片集內的星艦 -- 企業號 來做網名。

年輕時曾擔任《電腦時代》助理編輯,主力評測各種產品,和撰寫技術文章。
出過數本書仔,聽聞賣得不錯;現在轉戰博客,繼續有果句講果句。
喜歡新事物,愛攝影、玩Gadget,夢想能每年去一次旅行。

聯絡電郵:[email protected]