今日去左大陸旅行呀
不過好悶下,唔係咁啱我
因為係果類購物團………我最討厭果類
我去到去深圳野生動物園………….既門口,去睇果個鹿尾巴果類既「補品」,最唔鐘意既係要迫你 d 人入去一間房「上堂」,只聽佢點吹捧自己既產品有幾咁好,有幾咁有用……….好煩
最後就有啲「自由時間」俾你地購物…………不過果度除左果間野之外,就無野好睇……..
睇完鹿後,就去搭左 3min 車去左附近睇冬蟲草。之後原本話去睇紅樹林既,不過架車走錯路……去唔到,所以就去左食飯先………….
不過食野果度就好似唔錯咁喇,幾好味下,可以叫滿意喇………..不過我係度諗,如果係 Crystal 同佢阿媽一齊既話,就可能會幾搞笑下…………………因為唔知佢地會唔會滿意果度既衛生環境………hee hee
食飽後就去左大悔沙海灘行左陣……….好彩唔駛買野果種,影左啲相喇
之後就去左茶葉館,又係去一間房…..不過好彩我都叫做有啲興趣,啲茶幾香就真,之後就去左食龍眼………俾左 25min 我地左右喇,有幾棵龍眼樹幾甜下既,不過其他就……..hee hee
跟住去睇「蘆薈」既產品,又係上堂……唉,上完就走去廁所之後走人,hee hee
最後就去左香記既肉乾廠,好似話係澳門果間香記既大陸分店,不過好好彩,只係俾我地買,唔駛聽佢慢慢講野…………
最後就走人羅……..因為果下已經 5:30,仲有紅樹林未去,不過來回車程要超過 1hr,所以除左兩位小朋友外就無人想去羅………因為唔去既話,10min 就可以到皇岡,最後就過關返香港喇。

雖然唔算話真係好玩,不過得閒去下就好過成日係屋企坐既,hee hee
基本上無買野俾屋企呀………因為今日旅行係 Crystal 個阿媽請既,所以買左啲野俾佢地兩個,其餘人都無買,hee hee

不過今日 6:30 起身……..真係幾辛苦下,有時係車度都會想恰下恰下咁…………

…………………….仲有 8 日