我真係頂唔順啦~~~~
自從發生左呢件事,我訓唔倒唔食倒,成日諗住點樣哄番佢,我已盡我能力去挽救呢段感情,但到頭黎只佢只係覺得我迫佢…..

表面佢話唔捨得我同返我一齊,但佢又成日同第三者傾電話(係我面前都有互相來電),第三者又送佢返到屋企門口….而我打俾佢時佢就有咁快就收咁快線…..佢真係唔知當我係咩……..

有一晚我接佢放工,三個人出晒黎面對面叫佢選一個,佢選左第三者……..我知道同佢玩完…..但佢同我一齊返屋企時(我同佢同一區),佢在火車上又話唔捨得我……天哪!!! 咁樣暴喜暴憂落去我會痴線!!!!!

琴晚,我帶齊佢送俾我既野、我以前同佢既開心既相,同佢講返我地以前點樣手挽手共同渡過困境,點樣互相鼓勵,以前點樣開心,諗住用以前既片段黎留住佢,希望同佢過返以前咁既開心生活………
點知佢最後都係話”你就當我狠心啦,你俾到我既係安全感,而佢俾到我既係愛情!”

好大打擊!!! 我同佢五年既既情都抵唔過佢同第三者一個月既feel!!!

我好激動,情緒都好唔穩定,好似痴左線咁留佢,我連最後既自尊同尊嚴都放棄左…….我自己都估唔到自己會咁樣…..自己都估唔到自己既行為咁痴線……我真係太愛佢…..亦都嚇親佢…..

直到我返到屋企先真正冷靜落來,對頭先既行為好後悔,但已無可挽回……..對佢我亦真正死心

我輸左佢個心,輸左俾第三者,徹徹底底咁輸晒…..

今日朝早,我返工佢返學,大家約左出黎,我同佢真真正正講分手……自此各行各路…….


係 newsgroup 睇到既
諗返先自己之前既 case 添
^.^

Previous article好忙
Next article忙裏偷閒…..sleeping

網名:Enterpr1se,人稱「企企」
自幼喜歡 StarTrek 星空奇遇記所以用片集內的星艦 -- 企業號 來做網名。

年輕時曾擔任《電腦時代》助理編輯,主力評測各種產品,和撰寫技術文章。
出過數本書仔,聽聞賣得不錯;現在轉戰博客,繼續有果句講果句。
喜歡新事物,愛攝影、玩Gadget,夢想能每年去一次旅行。

聯絡電郵:[email protected]