變相遲到

今日原本話想早啲出門口既，不過搞下搞下，變到4:40 先出到旺角。
之後上左去漫畫鋪睇書喇，睇左一個鐘多 d 就收到 Mandy 電話話佢已經到左好耐，我做咩遲到 !!!! (我約佢 5:30pm，佢打俾我果下係 5:50pm)。
不過其實我約佢果下係話，約佢 5:30pm 係旺角 Body Shop 等，佢黎到就打俾我…….結果我就等佢電話……變左我遲到…..嗚…..

之後我地一齊去左味千食野….我第一次見 Mandy 果下都係響味千食野呢，不過係尖咀果間。
之後就好無聊….因為我諗唔到有咩做….去左打機同埋幫 Andy 買電話。
悶親佢地添。
Andy部電話係 Sharp 既 GX22，出左名係靚 Mon。
不過依家係我出住 $$ 先，佢遲 d 還返俾我。
之後就同 Mandy，Thomas，Jenny一齊睇金雞 2 呀，套戲幾好笑家，不過佢地就話唔及第一集咁好睇喎；我未睇過第一集就唔知喇，算喇。
之後我地就上左上去新世紀廣場送 Janny 走，因為佢第二日一早起身去 Camp，咁我地係門口影下相之後先俾佢走，hee hee.
之後，我，Mandy，Thomas 就去左太子打機，Mandy 就去睇…….不過好似悶親佢添………
而打打下期間……見到 Mandy 好惡既樣，嚇到我同 Thomas 唔知咩事……以為佢嬲左我地添…..好似佢只係 tired 所以無表情….變左好似好嬲咁….
最後我就送左 Mandy 返屋企……不過就係佢屋企樓下傾左個幾鐘…..ha ha ha.
同佢講下啲感情問題(都話我係半個感情專家嚟喇[講笑])。
不過我覺得，拍得咁唔開心，不如唔好拍好過羅….
最後就搭 N241 落太子轉小巴返屋企(後尾上左車諗下諗下，先知原來呢家就係 Iris 以前搭返屋企果架車 ^.^