辦工室政治

今日又有另一件唔愉快事件
就係Thomas可能俾人抄呀
(P.S. 其實係佢唔想做)
事緣係咁既，因為今日倉果邊，話有件貨寄唔切，打返上黎Office 度
咁啱老細唔係度，咁Thomas負責留 message(呢樣野唔係Thomas負責，佢只係聽電話留 message Only)，遲啲俾老板。
點知老版知道後就係咁鬧Thomas，話件事唔係咁樣，仲屈Thomas呢個係佢既意思……(唔知係倉定老細喇)
當然喇，以Thomas 既性格，呢隻死貓邊得食得落呀，佢即時走人，仲打算唔再返呢份工添
我後尾問返我另外一個 fd，如果遇到呢啲事既時候應該點做，佢話呢啲嘢其實係話頭醒尾位黎既，做老細就梗係要批貨準時家喇，咁Thomas 就應該唔理咁多，話知倉果面點搞到好，同倉講呢批貨就一定要果日上船，依家唔理佢地點都要搞掂佢，之後就cut線。咁倉果面就真係好諗辦法家喇(人係咁抵死)
之後如果倉果面真係唔得既話，咁佢地就自然會再打多次電話上黎，咁就同佢地講，呢啲野你地同老細親自講，睇下佢點處理喇。

今次就係因為倉果面「合」呀 Thomas新，所以就將隻「鑊」送左俾佢。
唉，呢啲就係辦工室政治……我真係咩都唔識添。