朝早返左去又一城 CityU 既 Office,接左份 job,所以要開工做喇。之後原本要同 Thomas 羅份野去葵涌三號貨櫃碼頭既,不過就因為我太早去到鑽石山,所以 Thomas 叫我食左野先,不過我又唔係話肚餓喎,所以就去左打機消磨時間。
1:15左右佢打俾我,話人地收唔到個 message,所以唔駛去;咁我返 CityU 喇,點知去到 CityU,竟然話唔見左我部 notebook 喎,嚇到我鼻哥窿都無肉。好彩原來有人見到我部 notebook 無人看住,同我拎左去食 lunch 姐,好彩好彩。
3:30開會,好彩有少少野俾阿 Sir 睇到,所以無插到成背脊都係血。
再夜少少 Thomas 打黎,叫我同佢地一齊喎,咁我當然識做,話遲少少先喇。
後尾原來已經出左成績,睇落應該唔駛 Out 既,放心左唔少,不過成績絕對係差羅。下個 Sim 一定要更加俾心機先得呀。
之後打算 join Thomas 佢地,不過時間已經係大約 8:00 羅,佢地話依家係 Thomas 屋企樓下喎。我去到再 call 佢地。咁去到喇,我 call 佢地,諗住叫埋佢地落黎一齊食喇(雖然佢地食左),不過佢竟然話我阻住佢地……..
咁我唯有自己一個人食喇,食完之後打左兩鋪機,先敢 call 佢地,睇下可以上得去未…………
好彩,可以上去…..同佢搞部電腦,睇住佢地兩個係度灑花槍。搞到我又好恨有個女朋友添。剛剛呢個時間 Crystal 又打黎喎,咁正好一齊開玩笑喇。
結果係 Thomas 屋企搞到成差唔多 12:00 先走。
但係響走既時候 Thomas & Mandy 有 d 唔開心既事情發生左。
好彩後尾無咩事。

Previous article壞消息
Next article南瓜店

網名:Enterpr1se,人稱「企企」
自幼喜歡 StarTrek 星空奇遇記所以用片集內的星艦 — 企業號 來做網名。

年輕時曾擔任《電腦時代》助理編輯,主力評測各種產品,和撰寫技術文章。
出過數本書仔,聽聞賣得不錯;現在轉戰博客,繼續有果句講果句。
喜歡新事物,愛攝影、玩Gadget,夢想能每年去一次旅行。

聯絡電郵:[email protected]