今天,Mandy 終於同我講話會同 Thomas 分手。不過佢好似仲未同 Thomas 正式咁講。
事緣今日,Thomas 係公司超多野做超忙,仲俾老細叫左入去照肺,原本佢約左 Mandy 食飯既,但係就唔得閒,Mandy 打電話黎果下語氣就極差,所以就嬲到 Mandy 死下死下。
咁 Mandy 原本都係關心男朋友,不過換來係激氣。佢聽完 Thomas 電話後,就打俾我,同我講。
雖然 Thomas 當時係 ICQ 即時同 Mandy say 左 sorry,不過似乎都唔能夠令 Mandy 唔嬲。
一路到 6:00 幾,Thoams 打返電話俾 Mandy,不過 Thomas 竟然唔醒目咁道歉都唔講聲,Mandy 唔出聲佢又唔出聲咁……搞到 Mandy 仲嬲…..。
最後 Mandy 幾乎喊住咁打電話黎,同我講話同 Thomas 分手。
唉,我都唔知講咩好喇,我幫得到既,其實呢半個月我都幫左,不過依家係佢地兩個既問題,我就好難話介入去,最多只係可以聽下兩邊訴苦。
原本我介紹佢地兩個認識,都係想佢地兩個開心姐,但點知搞成咁…..

夜晚,我食野果下 Mandy 打電話黎,話 Thomas 6:00 之後一路到9:30 都未有電話打黎…..原本話想睇下 Thomas 係邊既,不過佢唔打黎就算喇。
咁食完野果下,大約 11:00 喇,輪到 Thomas 打黎,俾我話完佢小氣無風度之後,佢先至醒覺要親口 say sorry, 要打返俾對方,不過睇落就好似太遲喇。
直到半夜,Mandy 再 call 我,就知道時事已經進展到好嚴峻既地步喇,唔知佢地仲有無機會呢。

P.S. 今日終於好難得咁同 Iris 傾返兩句喇,呢排真係好難搵到佢……可能真係無咩緣喇,ha ha。後尾睇返佢日記,見佢好似唔係好開心咁……唔知發生咩事呢 (不過問佢,佢一定會話無事,所以最終都唔知係咩事……..因為我唔係佢可以信任既人之一吧…..)

Previous article好彩發現得早
Next article春天感覺

網名:Enterpr1se,人稱「企企」
自幼喜歡 StarTrek 星空奇遇記所以用片集內的星艦 — 企業號 來做網名。

年輕時曾擔任《電腦時代》助理編輯,主力評測各種產品,和撰寫技術文章。
出過數本書仔,聽聞賣得不錯;現在轉戰博客,繼續有果句講果句。
喜歡新事物,愛攝影、玩Gadget,夢想能每年去一次旅行。

聯絡電郵:[email protected]