訓大覺

今天大覺訓….ha ha，訓左超過 10hr，成 2:00pm 先起身，都好耐無試過咁喇，真係好。’
之後夜少少阿姨就黎左我屋企拜年喇。咁都係同阿姨佢地傾下阿婆既野咁喇。

夜晚就同 Water and 高華傑一齊睇煙花，佢地原來好耐未試過現場睇喇，不過今年現場睇……..凍疆…
我隻手凍到好似無咩知覺咁，加埋又落雨…….完全令我諗返起以前梁既返學果下既情況。
今年影既煙花相真係唔得，因為落雨搞到鏡頭濕左，仲有加埋我之前借俾個腳架俾我細佬羅上北京，今日我羅返黎用竟然唔知左一舊用黎鎖上部相機既零件。搞到有帶腳架 = 無帶咁，好無耐。

之後我地行去金鐘搭叮叮去銅鑼灣。去到銅鑼灣原本想話睇戲既，不過無 arm 既戲睇所以就去食野。係食野其間我講呢廿日發生既事(其實係 Turkey 講既野)，我個個 fd 都笑到爬地，尤其係 1 月 3 號睇魔戒 3 Turkey 既留言同埋 Thomas 上一世強姦 Mandy 不遂而俾 Turkey 打死，累到 Turkey 坐廿年監既事，個個都笑到收唔到聲，仲係度扮果個留言既語調講野，搞到個個不停大笑，最後我地成班既結論係，如果女朋友同你講分手，你要同佢講：「你好，我並唔係 xxx，我係 xxx 既好朋友，依家係 xxx 好擔心你，如果你聽到呢個留言，請立即打俾 xxx，再見。」，跟住你女朋友就會以為你顛左，可能會擔心你睇下你咩事，而搵返你都未定……..

P.S. 點解我話今日幾灰下呢，就係因為 water 講左一句，佢細妹依家做緊果間公司既野……唉，真係好灰下，人地細妹都讀科大….畢埋業做緊野喇，而自己仲…….真係好灰好灰。所以無女朋友都唔奇既……唉。