Home 生活點滴

終於放低

39
0

哈哈,唔知有幾耐都未試過咁早起身溫書羅……….
不過今日一早起身果下,竟然見到 Rebecca 仲未訓覺,所以同佢傾左陣計先走。去到 CityU 都晏咗啲囉,所以搵唔到房……….嗚…..
最後係 Blue Zone 出面既 Study Area 溫,順便監察住邊度房無人(因為有兩間房係用左黎上堂,所以睇住佢幾時落堂就標入去…… ^.^)
好彩大約一個鐘頭左右就有房,之後就係度溫,今日都算溫左唔少喇,但都有懶既時候,因為唔知邊個之前用果部電腦果下, download 左隻 Game,叫 FrontLine,係一個好簡單既遊戲不過好好玩。都有係度偷懶去玩呢 ^.^

夜晚瘦 ken 去地交完功課就一齊去食 Dinner,去左」和米粉」食,叫左個」火車頭大碗河」,同瘦Ken 兩份食,都食得幾飽下(可能因為之前食過Tea 喇)。

不過今日離開 CityU 果下,又唔記得左羅筆袋走,所以食完就返 CityU 羅返先返屋企。不過係旺角果下竟然撞到 Willium,佢剛剛同 fd 食完飯,返屋企。所以佢就陪我返 CityU 羅埋筆袋一齊走。
咁 arm 我又有本雜誌唔要(Hi-Tech Weekly),所以就送埋俾佢喇。
^^

夜晚,Do Do 打電話俾我,佢終於放低佢男朋友喇………仲要係笑住開心果種放手(註:之前係好唔捨得,但強迫自己一定要放果種)

今次佢終於真係放喇….點解? 因為原來佢男朋友一腳兩船…..而且第二個女仔仲大埋個肚添…..
而佢個(男)朋友就毫不猶疑地叫個女仔落左佢……….因為佢自己都顧唔掂無能力養佢。
呢樣都算喇,不過最抵死係個女仔落完 BB,佢係完全唔理果個女仔…….仲係一腳兩船唔放低 Do Do 喇
佢仲要同果個女仔講:「係我咁家喇,你唔鐘意可以走」………….
喂,依家算咩意思喎,完人,仲要咁? 自稱唔鐘意個女仔但又同人上床,仲要又唔戴套,依家搞出個大頭彿出黎仲咁既樣……….真係影衰哂啲男人…….
所以Do Do放低係完全正確既決定喇,完全唔值得再留戀,亦應該好慶幸自己仲後生果下可以睇清楚呢個人,無謂浪費光陰 ^.^

Previous article難得機會
Next article無房

網名:Enterpr1se,人稱「企企」
自幼喜歡 StarTrek 星空奇遇記所以用片集內的星艦 -- 企業號 來做網名。

年輕時曾擔任《電腦時代》助理編輯,主力評測各種產品,和撰寫技術文章。
出過數本書仔,聽聞賣得不錯;現在轉戰博客,繼續有果句講果句。
喜歡新事物,愛攝影、玩Gadget,夢想能每年去一次旅行。

聯絡電郵:[email protected]