今日係澳門之旅既第二日,朝早九點起身果下,Do Do 已經起左身喇…………佢真係早……
跟住我地就去 check out,不過唔好彩地有啲阻濟…….因為佢地話我地睇左啲收費電影台。不過我地根本就無睇過。
隔離啲大陸自由行,又當得我同佢地差唔多 lv,話我地唔清楚所以睇錯,不過電視機頂有哂說明,而且仲要 click 確定後才收費。所以識少少字既都應該唔會睇錯喇。
最後佢就好唔願意咁唔收我地錢(因為我地」睇」左三套戲,不過其實」睇」得最長果套都只係半個鐘左右)
係佢除消張單果下,我同 Do Do 講返,套戲係 2:xxpm 果下睇既…………不過其實果下佢都未 check-in,佢原來係下午 5:xxpm 先 check-in.
所以就真相大白,唔關我地事既。

跟住之後就去食早餐,我地去左食竹昇麵,之後再去食薑汁撞奶。跟住就開始左今日既旅程喇。

龍環葡韻住宅式博物館
龍環葡韻住宅式博物館

首先我地去左氹仔嘅「龍環葡韻住宅式博物館 」,果度風景唔錯家……… 亦係影相既好地方,不過因為要俾 $$ 去睇既關係,所以我地只係響出面門口睇而無入去。

之後就去左食葡國餐,但係因為其實係食咗早餐無耐,所以都唔係食得好多野。之後就買手信,再返去澳門果度。

返到澳門本島………第一樣野就係唔知幾時落車所以 miss 左………我地搭到總站先至識得落車。落到車又唔識得行邊喎……話時話呀,成個澳門之旅,有一樣嘢真係非常乞我憎嘅………大家估下係咩………就係張【地圖】。我地果張地圖,真係用到媽媽聲呀,好多街名都係無記低。而澳門啲街名又好鬼乞人憎,同一個名,e.g. 「聖士提反」咁喇(作出嚟,無呢條街名家),佢可以有聖士提反道,聖士提反街,聖士提反巷。地圖可以有聖士提反街但又無聖士提反巷喎……

仲有一樣嘢,就係啲澳門人似乎係唔識街名家,問 5 個人可能有 5 個唔同嘅答案,搞到行黎行去,其實想搵嘅地方就只係響我地後面………真係激死。

媽祖廟
媽祖廟

最後因為我要去廁所嘅關係,行左去附近既麥記,再去問人,才決定搭巴士去一間媽祖廟。去完果間媽祖廟就去東望洋燈塔。好彩今次好順利咁去到,係行左一陣姐,係果度搭左纜車上山,不過話時話,真係好平,$2 單程 / $3 就雙程。不過果度其實好唔係好高,所以算係合理喇。

風球標誌
風球標誌

係果度,都算有啲野睇喇,有一間好翻新緊既教堂,又有啲掛風球用既 signal,跟住我同 Do Do 就係果度一個公園仔傾下計,再黎就係……又係一陣尋找目的地之旅,今次就已經問左果度既保安家喇,不過都係俾人點,因為佢指既方向係啱嘅,不過果條路係行車用,完全都無行人路。所以我地唯有去東望洋酒店,再問人路。好彩,果度嘅 reception 姐姐好好人,幫我地叫埋的士,咁就先去到紅酒展覽館同埋賽車展覽館(果度係同一個地方)。不過好搞笑嘅係果度有架機度體溫,不過我覺得佢度唔到我囉……因為我太高,根本就度唔到我個頭……,不過算喇,仲好。

葡萄酒博物館
葡萄酒博物館

入到去就當然係我嘅時間喇………係咁影相……hee hee,同埋紅酒博物館有啲紅酒飲………但我真係唔識飲,我覺得好似苦茶咁,哈哈。

基本上咁樣就完成左成個澳門之旅喇…………雖要去既地方都已經去,再黎就係啲私人時間喇(雖然係好少),咁我地就去左一間角子機鋪玩角子機………我放左 $35 落去,好似 total 只係贏左 $10 左右羅,咁我又將果 $10 放埋落去,咁結果當然係 $45 輸哂喇,ha ha。唔知呢,我都唔覺太好玩,可能因為成日驚輸喇。相反我覺得好耐以為,同舅父佢地去澳門玩,果下啲船後面有老虎機玩,我覺得好好玩呢,我玩左 $100,最後拍岸果下剩返 $97,輸左 $3。但我覺得好正,但可能因為人大左喇,所以覺得唔今次玩得唔正………ha ha.

最後就搭返巴士去議士亭前,買返啲地道小食,咁 Do Do 就買左豆沙餅,我就買左豬扒包 (我恨左好耐家喇,我好鐘意食豬扒包家)。最後就搭船返香港喇。真真正正結束左一個不足 24hr 既澳門之旅喇。

返到香港,就同 Do Do 去左打頭文字啲,因為佢要等佢個 fd 去睇無痛失戀。而我呢,就送咗佢地去戲院後(佢地唔知JP 係邊度),就落左旺角,去睇下 Fanny 點喇,原本話想送 Fanny 返屋企既,因為佢好少何去到咁夜,佢屋企果頭又係好靜既,所以萬一有咩事,呢份工係我介紹俾佢既,我真係會過意唔去。不過呢,人地 Fanny 已經有一個好好既「男性朋友」等佢放工羅,咁我當然好識做過唔做電燈膽喇。最後我就買左張學友隻新 CD,去左金雞樓下間餐廳食野,跟住返屋企囉。

引伸閱讀:

澳門旅行 Day 1

1
2
Previous article澳門旅行 Day 1
Next article好好味

網名:Enterpr1se,人稱「企企」
自幼喜歡 StarTrek 星空奇遇記所以用片集內的星艦 -- 企業號 來做網名。

年輕時曾擔任《電腦時代》助理編輯,主力評測各種產品,和撰寫技術文章。
出過數本書仔,聽聞賣得不錯;現在轉戰博客,繼續有果句講果句。
喜歡新事物,愛攝影、玩Gadget,夢想能每年去一次旅行。

聯絡電郵:[email protected]