今日我好好彩呀,返到 CityU 果下仲有房,咁我可以係 Blue Zone 霸到間房,唔駛走黎走去。
後尾 Jack哥, Alice 同埋 瘦 Ken 都返埋黎一齊溫書(雖然我溫果啲同佢地溫果啲唔同)。
其實都算幾好彩,可以搵到間房咁多人一齊溫。

不過好境不常,今日下午果下,CityU 啲電腦中哂毒……搞到部機上一路唔到網……….但其他房係得,得我地一間房唔得。不過算喇,上唔到反而可以更專心溫書。
其實呢隻病毒都幾勁………….因為我都中左 >.<
其實我又唔係真係中果種既,我係有個 folder share 左出去,唔記得 close,俾人 upload 隻毒上黎,但係我無 run 過所以問題不大。
最後洗左佢就無事。

今日呀………我叫食 tea 果下無人去,但我食完無耐佢地就話去食 tea………..算喇,我係學校食平啲,呵呵呵。

夜晚食返果下,去返尋日食果間,諗住食果度既日本 pizza,但點知同尋日一樣,都係話賣哂………搞錯,Alice 串佢 Pizza 係唔係長期都無家….個待應即刻板埋塊面講話呢幾日都無….依家咁既服務態度….算喇,可能因為佢做得辛苦喇。

Previous article無房
Next article激死我

網名:Enterpr1se,人稱「企企」
自幼喜歡 StarTrek 星空奇遇記所以用片集內的星艦 — 企業號 來做網名。

年輕時曾擔任《電腦時代》助理編輯,主力評測各種產品,和撰寫技術文章。
出過數本書仔,聽聞賣得不錯;現在轉戰博客,繼續有果句講果句。
喜歡新事物,愛攝影、玩Gadget,夢想能每年去一次旅行。

聯絡電郵:[email protected]