今日我下午 Envy 打電話黎,問我今日夜晚得唔得閒出黎,咁我得閒就應承佢出喇………..
我原本以為我係做護花使者既,因為佢好似好趕好緊張咁。
約好左 7:00pm 係尖咀等,我 6:45pm 果下去到紅碪,先知佢原來係銅鑼灣,佢唔記得左今日係約左個泰國人在先,所以……..佢叫我落埋去銅鑼灣,但係叫我可以走先……..
當然喇,我都出左街,就梗係等埋佢喇。

去到銅鑼灣之後,等左大約兩個鐘,先收到佢電話見到佢電話。
見到佢之後,先知原來佢已經食左野…………佢係咁係度”蟻”我,叫我放棄食野,佢返屋企主俾我食。
不過話時話,論 “嗲人” 嘅功力,佢同 Do Do 差得遠呢 ^.^
不過我都知佢屋企既情況既,所以就應承佢,同佢係銅鑼灣買菜,之後一齊返佢屋企。
等佢整完餸先至陪我落街食………..佢食糖水,我就叫咗碟星州米。
食完之後先返屋企。