廢皇底板

今日同瘦 ken 去左黃金睇電腦，因為佢果下買果塊主機板，好明顯有問題。
之後就同佢一齊去睇漫畫。
睇到 7:xxpm 左右就走，一齊去左銀龍食，完全就…………….差啲俾雨淋。
因為唔知點解，旺角落好大雨呀，不過好彩我有帶遮，唔係就麻煩。
同瘦 Ken 行完旺角之後先走人，我就落青衣同 Iris 整電腦。

話時話，佢部電腦開唔到機，Debug 卡只係出 FF。
論理上係粒 CPU 出問題，不過佢粒 U 又只係得 2000+，又唔係話好熱果種。
散熱器都係 Ok 果種，足夠散熱。
CPU 又好少壞，所以我就斷定係塊板壞(其實一個原因係因為佢同”廢皇”板)。
所以都無可能做到 d 咩野……..

不過佢就真係俾人昆左喇，砌部電腦用左 $3000，不過俾啲料係好差果種。
得 2000+，256MB DDR 266，VIA PM266 板，咁都收佢 $3000真係好無良。
其實果個人都知佢會用黎做下繪圖，但都同佢用塊 OnBoard VGA，真係靠害咩……..唉。

Iris 一向都係愛貓之人…………佢簡直當佢隻貓貓係仔咁，hee hee.
不過佢隻貓真係好怕”生寶”，見到陌生人勁驚，都唔知係唔係男仔黎家…………
不過最搞笑係，Iris 話佢係基的，唔吼貓女，吼貓仔，搞笑。

夜晚同 Mandy ICQ chat，佢叫我唔好對佢心存幻想，但又驚 hunt 到我，ha ha ha.
好老實講，我對佢一早已經無任何幻想喇………..
而且俾人話就算無得揀都唔會揀我嘅說話，我都聽到好多，連呢 d 說話都唔會hunt 得我深……..何況係 Mandy 呢幾句呢? (其實好老實講……..都真係預左無人會揀我。)
不過話時話，如果有樣野叫做「姑婆屋」嘅話，睇黎我都要為我自己準備定翻間「叔公屋」先得喇。(當然係有$$的話)
哈哈。