Home 評論 影評

【影評/觀後感】《爭女特務王》好好笑,笑到標眼淚

355
0

this mean war

呢套戲第一眼吸引我係男主角,佢係《星空奇遇記》入面的艦長,而另一個係做 Inception 幾靚仔嘅。再加上睇 Trailer 見到佢都好好笑,咁今日就去睇。
不過今日原本想用 Yahoo 張團購戲飛睇,不過去到先知原來張卷 1/3 先開始,無計,正價睇喇。

其實故仔都好簡單,女主角係上次失戀打擊中未能振作,佢個 fd 自把自為將佢嘅資料 send 去交友網,令佢識到其中一個主角,而另一主角亦係中途識到。

係追女主角途中,大家都公器私用,用唔少高科技去追蹤並阻止其他另一人同女主角一齊。途中有唔少笑料,大部份笑位都係對白同 Sex 有關亦爆笑到收唔到聲。
個女配角亦都係好搞笑,係咁推佢女主角去兩個男人度,成日叫佢同兩個男主角上床,邊個正啲揀邊個,哈哈。

雖然唔會理嘅地方總有,其中最後壞蛋捉女主角但由得佢自己揸車係最離譜,不過呢套戲唔係睇寫實,而且佢咁設計都係為咗另一個笑位,算佢喇;總之呢套會係近期一套十分好笑嘅戲,絕得值得入場睇,係戲院入面個個都笑唔停,尤其係其中有幾個爆笑位係標眼淚。

P.S. 左邊男間屋有個長型泳池係佢屋企上面,完完全全係唐英年約道七號,個個見到都係度笑。

tong movie picture