尋晚非常正常地關機叉電訓覺,不知咩原因,今早 iPad 收唔到 3G signal,而且不知咩原因不停自動 reboot,畫面有一塊陰影由左至右掃過嚟,之後就自動 reboot。

我最初以為無交錢所以收唔到 3G,但係 reboot 真係唔知咩原因,咁最後都係 Hard Reset 一途。

不過都係 no luck,reset 連接唔到 Apple 個 activate server,而且仲係不停 reboot, 完全用唔到。
最係都係放工去中環 Apple Store 整。
最後當然要換機喇,雖然我係一個「不換機主義者」,但咁樣真係無得整。
佢話換機之後俾 senior 睇睇,我幾驚係因為有少少變色所以俾 senior  睇佢決定俾唔俾換。(後尾見另一個人攞住部 iPhone 俾佢睇,所以相信所有換機都要俾 senior 過目)

不過唔好彩,3G 64GB 版本無貨,所以都係無得換,灰。
(不過第二日放工時打電話嚟話有貨喇,好彩都唔係等好耐。)