最近有間公司同幾個唔同嘅團購網合作,賣馬來西亞出名的貓山皇(貓山王)榴槤,Groupon, Beecrazy, Yahoo 團購等。

其實之前 Groupon 賣的時候我都有興趣,但當我留意到時已經無得賣。所以今次 Beecrazy 賣就即時買。雖然我對榴槤唔反感但亦唔會話好鐘意食,但朋友和屋企人就鐘意,香港一般買到的都是泰國榴槤,而貓山皇都是樹上熟,和一般香港賣的漚熟榴槤不同,所以狠下心俾 $288 (很貴)。

BEECRAZY 貓山皇榴槤

BEECRAZY 貓山皇榴槤

不過呢間公司有少少「明屈」要俾$60 運費,因為佢要 3日前預定,而佢只限 9am – 1pm, 2pm – 5pm,所以返工人仕唔請假無可能攞到。
而且地點比較徧遠,是明乎其實的西環,因為佢辦公室在電車屈地街總站旁,即是地鐵上環出閘後還要搭叮叮才到。

早幾天剛剛要請病假覆診,所以剛剛好可以下午去攞。
一上到去就聞到榴槤味,成條走廊都係,如果其他 Office 有人勁討厭都唔知點算,哈哈。
榴槤比想像中細個,放入速遞袋唔怕吉手,而氣味都阻隔唔少,唔會影響到人。

黑貓宅急便
個袋幾厚,唔會吉親又隔到味

貓山皇榴槤

貓山皇榴槤
斬開佢
貓山皇榴槤
媽媽說個榴槤幾」試正」 (形狀良好咁解),所以幾多大大塊的肉
貓山皇榴槤
幾多肉

試完後覺得,這個榴槤果肉較爽,甜味不濃,但香味十足。
不過本人喜歡甜的榴槤多,所以有點失望,但只是個人口味問題。
如果再有我相信都不會再買了,因為貴 + 不合口味。
唔知其他 D24 或最貴的坤玉,會唔會合我口味呢?