海洋公園正門

原本昨天想去迪士尼樂園試新區灰熊山谷,見過 Facebook 有唔少人去玩的相,知道 14 號開但記錯了 14 號是這個星期 ~.~
最後決定了去海洋公園,而且買埋年票,隨時有得再去了。(迪士尼 bye bye XD)

昨天天氣最初以為會很熱,但去到海洋公園就下起一陣不少的雨,但一陣就無了。不過之後都時晴時雨,好彩帶了遮,原本打算遮太陽但變兩用了。

而我自從熱帶雨林天地開幕後就無再來過,所以都有不少新鮮感。
但首先都去到威威劇場和雀鳥劇場,因為之前去海洋公園都錯過了這兩個表演。

威威劇場 雀鳥劇場
威威劇場和雀鳥劇場

看完後就去探馬騮同埋熊貓

馬騮
周圍郁無時停 = 馬騮
熊貓
入去時仲見到兩隻,但睇完馬騮後其中一隻已經走咗

跟住就去「新開」嘅香港老大街。
其實最初我以為老大街位置係以前集古村,不過原來只係纜車站附近少少地方,有啲失望呢。只可以讚嘆海洋公園真係識善用地方。

最初以為有啲咩睇,其實主要係食嘢同埋遊戲攤位嘅地方 Only即係想你花錢咁解。
最初以為有啲咩睇,其實主要係食嘢同埋遊戲攤位嘅地方 Only
即係想你花錢咁解。

但係老大街又唔係無可取之處,有啲地方佢地都做得不錯。如呢間戲院咁,就有一個磅重機,我細個時勁鐘意去磅呢。

海洋公園 香港老大街
又好似肥咗少少喇

另外佢都有幾個地方幾有懷舊色彩嘅,我都幾鐘意。

海洋公園 香港老大街
呢隻車頭凹入去嘅巴士,我係情有獨鐘
海洋公園 香港老大街
木製嘅電車,好快會係香港消失
海洋公園 香港老大街
入口牌坊
海洋公園 香港老大街
呢種格局戲院都好舊,我未去過
海洋公園 香港老大街
將外牆當景點,又一慳皮屎橋

搭纜車上到山上 (我覺得每次來唔搭過纜車唔叫來過),見到新開的動感快車。
睇落真係好刺激呢,這架過山車需要除鞋玩,因為會雙腳離地,如果唔除鞋會周圍飛。
雖然理論上佢唔夠富士急激,不過因為在山上,所以視覺效果應該幾強烈。
小弟就怕怕無玩喇。

海洋公園 動感快車
入口非常似小丑

之後見到新區冰極天地,原本以為佢未開點知見到過山車有人玩緊……當然即時過去喇
不過見到封住有 Security guards 係度,個心都沉咗一沉。
不過好彩見到佢只招待年票會員,即係入得去喇,Yeah。

海洋公園 極地時速
過山車入口

入到去見到新過山車,極地時速,當然第一時間試玩。
不過見到一個好奇怪嘅現象,就係好多小朋友………~.~」」
都估計係一個老少咸宜的過山車 (啱我 XD)
因為少人關係所以可以說不用怎樣等,第二輪就到我們了。
感覺上…….真的很老少咸宜,論刺激迪士尼的太空山還刺激得多;坐上去有點似坐車兜風,幾涼幾舒服。
不過因為路程短,所以每次都是兩個圈的,算是少少補償。

海洋公園 極地時速
這過山車的吉祥物
隨身物品放在對面

不過這裏有一個北極館,但還未開放,入面有海象海豹等。
還好南極館已開,可以見到企鵝喇。
雖然唔係第一次見企鵝但之前都是隔著厚厚的玻璃,今次距離近得多,見到有工作人員搖鈴吸引企鵝過來餵他們,餵完後很多一躍如下入水暢游,場面壯觀。
場館設計唔係密封式,所以場館温度保持 5-8 度,所以著短䄂衫的我們覺得真的很凍,不能久留。
另外場館地下是水池的一部份,所以可以看到企鵝在腳下游水,感覺很近亦很新鮮。

海洋公園 南極奇觀
南極館入口
海洋公園 南極奇觀
南極地圖還好都有繁體字
海洋公園 南極奇觀
有播片介紹南極
海洋公園 南極奇觀
餵完企鵝收嘢
海洋公園 南極奇觀
可以看見地下有企鵝游來游去
海洋公園 南極奇觀
介紹入面的企鵝

↑ 可以看見餵企鵝的情況

之後去了隔鄰的餐廳,原本想望下就算,但係見到隔離極近距離見到企鵝就忍唔住豪一餐
老實說早已預備被劏到一頸血,但是叫了哪個低碳套餐,份量也真的太「低碳」了吧?份量真的少得可憐,不過影到企鵝又算了吧。
我看見其他人多數點 Pizza 和意粉,份量好像較多,所以點這些較好。

另外餐廳的温度較低,所以要注意保暖,可以向職員要求披肩以免冷親。

海洋公園 冰極餐廳

海洋公園 冰極餐廳
入面一塊大玻璃可以看清楚企鵝
海洋公園 冰極餐廳
試業關係,所以人數不多
如果不用坐近玻璃窗可以不用等位
海洋公園 冰極餐廳
有 set 和散叫
海洋公園 冰極餐廳
套餐真的少得可憐
主菜走地雞得果幾舊好細舊,下面是南瓜
海洋公園 冰極餐廳
iPhone 鏡頭比較廣角都可以影到這麽近
可想言之真的隔著玻璃而已

海洋公園 冰極餐廳

海洋公園 冰極餐廳

https://www.youtube.com/watch?v=zGDQR5efKk4

↑ 係餐廳入面影到的企鵝

海洋公園 超速旋風
出來後也有玩另一新 Game 超速旋風

總結:

今次海洋公園新區比較老少咸宜,如果喜歡看動物的話,一定會鐘意新區。
期望下次可以到北極區看看。

另有一樣,今次海洋公園打擊迪士尼動作明顯,迪士尼新區灰熊山谷 14/7 開幕,而海洋公園就 13/7 開幕。
不過對於早一天是星期五,作用有多大就不知道。
而以宣傳計,身邊不少人都有寫 Blog 說去迪士尼玩,但相反如非心血來潮去海洋公園,真的不知有新區,和年票用戶可以優先試玩,因為完全留意唔到宣傳。

希望海洋公園注意一下,當作萬勝節的力度宣傳效果才會足夠好。


16/7 補充:

昨天再次去海洋公園,去看北極館。
因為已經傍晚的關係,所以人很少,不用排隊已經入到去了。

其實原本還會有白鯨等動物,不過因為捕獵過程大殘忍,死亡率高,所以才沒有養。

海洋公園 北極之旅
北極熊真的很高大
海洋公園 北極之旅
原居民的雕刻很像真
海洋公園 北極之旅
一堆海獅海豹在」抖涼」
海洋公園 北極之旅
一隻海象係度浮下浮下
海洋公園 北極之旅
荒廢了的表演場地

海洋公園 北極之旅

海洋公園 北極之旅
係水底影隻浮下浮下的海象
海洋公園 北極之旅
海豹游來游去
海洋公園 北極之旅
好得意
海洋公園 北極之旅
竟然有 iPad 套賣,但真的」好足料」,好重