Home 評論 食評

難得有麻有辣的「大麻小辣」

89
0

早幾天去開旺角,發現女人街近廣華醫院開了一間專食麻辣的大麻少辣。
係門口望下,當時時間已是 8:xx pm,但發現入面只得店員,竟然 — 一個客人都無 !!

懷著 15/16 的心情進入餐廳,幸好店員招呼周到。
入面主打的是麻辣雞煲,你可以選擇半隻 or 全隻雞,之後再好似打邊爐咁叫其他餸。

旺角 大麻小辣
用料十足

不得不讚的是隻雞真的不錯,好好味,雞肉好滑。
雖然我食的只是中麻少辣,但個煲係難得係香港食到有麻的辣,唔似得其他川菜聲稱麻辣但只係得個辣 (e.g. 譚仔),十分令人驚喜。
我一直覺得有麻的辣好可以令辣味「升華」,是一種另類的辣,就算少辣都已經覺得好辣咁。

食完雞煲後,煲湯差不多乾水了,是時間加水食其他餸了。
今次叫了一個牛肉,田雞,牛柏葉等,可以看到不算大碟但幾貴,不過相對質素唔差,係幾好味。

旺角 大麻小辣
叫了牛肉 + 田雞
旺角 大麻小辣
加了一個烏冬牛柏葉,飽肚啲

最後埋單(連兩支汽水) $28x,幾貴,但女朋友都說可以再來食,因為真係唔錯呀

P.S. 人係群體動物,我地入去無耐就開始不斷有客入嚟,哈哈

地址:旺角通菜街1A-1L威達商業中心地下D鋪